Kirish | A'zo bo'lish

«Lester» klubi rahbari Vichay Srivadxanaprabxa Klaudio Ranerini iste'foga chiqarganidan so'ng, Instagram sahifasidan ham voz kechdi. 

«Obunachilarga turli vaziyatlarda qo'llab-quvvatlagani va tushunganlari uchun minnadorlik bildiraman. Siz ko'rayotgan narsalar jamoaning biz oshkora namoyish qila oladigan bir tomonidir.

Rahbariyat imkoni darajasida ishlamoqda. Bizning ishimiz birgina muammo bilan cheklanmaydi. Klubni saqlab qolish uchun millionta muammoni hal qilishimiz kerak. 

Siz muxlis sifatida barchasini to'g'ri bajardingiz. Men ushbu inqirozli vaziyatdan  foydalanib, sizlarga minnatdorlik bildirmoqchiman. Men sizlarni tushunaman. Ishqibozlar jamoani yaxshi ko'rishlari va bizni to'g'ri tushunishlarini yuqori qadrlayman. 

Menga va rahbariyatga doimiy ravishda arz qiluvchilarga ham rahmat. Ularning qarashlarini hurmat qilaman. Biroq, mening qarorimni ham hurmat qilishlarini  so'rayman. Men hech qachon «Lester»ning cho'kishiga yo'l qo'ymayman. 

Etti yillik faoliyatimda klubni barcha jabhada yaxshilashga urindim. Pul haqida gapirishdan naf yo'q. Sarflangan pullar qaytdi va klub rivojiga sarflandi. 

Men imkoniyatdan foydalanib, Instagram sahifasi bilan xayrlashishni istardim. Bu yerda meni, o'zlaringiz xohlagandek, boshqa ko'rmaysiz», – deyiladi klub rahbari bayonotida. 

— deya xabar beradi Tribuna nashri.

Do`stlarbilan baxam ko`rish: