«Manchester Yunayted»ning ispaniyalik yarim himoyachisi Xuan Mata klub bilan shartnomasi uzaytirilishini istashini aytdi. Uning hozirgi shartnomasi muddati 2018 yilning yoziga qadar amalda bo'ladi.
«Shartnoma bo'yicha men yana 2 yilga yaqin jamoada bo'lishim mumkin, ammo men ko'proq vaqt qolishni istayman. Men bu yerda baxtiyorman. „MYu“ bilan men Angliya Kubogi va Angliya Superkubogini yutib oldim, bizda yana sovrinlar yutish imkoni mavjud.
Bu yerda ajoyib muxlislar, ular har qanday pallada bizni qo'llab-quvvatlab turishadi. O'ylaymanki, yaqin yillarda jamoa APLda yoki Chempionlar ligasida g'olib chiqib, ularga sovg'a hozirlaydi», — deya futbolchining so'zlarini keltirgan Mirror.