Kirish | A'zo bo'lish

Osiyo Chempionlar Ligasi «S» guruhi 2-turidan o'rin olgan «Bunyodkor» – «Al-Ayn» uchrashuvni oldidan amirliklar jamoasi bosh murabbiyi Zoran Mamich o'z fikrlarini bildirib o'tdi.

«Bizni qiyin o'yin kutib turibdi. «Bunyodkor» shakllangan jamoa, ular jamoaviy o'yin orqali yaxshi natijaga yerishadi. «Bunyodkor» tarkibida Shahzodbek Nurmatov, Dostonbek Hamdamov va Yeldor Shomurodov xavfli futbolchilar sanaladi.

Dastlabki turda «Zob Ahan»ga qarshi o'yinda ochko yo'qotdik, ammo yertaga g'alaba qozonish uchun harakat qilamiz, maqsadimiz shundan iborat.

«Al-Ayn» himoyada o'ynamaydi, biz raqibga nisbatan ko'proq gol urishga harakat qilamiz. Raqib sifatli o'yin namoyish qilsa-da, yertaga g'alaba uchun maydonga tushishimizni yana bir bor aytib o'tmoqchiman.

Bo'lajak o'yinda kim favorit yekanini aytish qiyin», – degan Zoran Mamich O'FF matbuot xizmati xabarida.

Eslatib o'tamiz, «Bunyodkor» va «Al-Ayn» o'rtasidagi uchrashuv 28 fevral kuni Toshkentdagi «Bunyodkor» stadionida bo'lib o'tadi. O'yin 18:00 da boshlanadi.



— deya xabar beradi Tribuna nashri.

Do`stlarbilan baxam ko`rish: