Kirish | A'zo bo'lish

OChL doirasidagi «Bunyodkor» - «Zob Ohan» uchrashuvidan (0:2) keyin mezbonlar ustozi Sergey Lushchan o'z fikrlari bilan o'rtoqlashdi.

«Birinchi navbatda muxlislardan uzr so'rayman. Ular bizni qo'llash uchun kelishgandi. Ammo biz mag'lubiyatga uchradik. To'g'risi mag'lubiyat sababi haqida nimadir deya olmayman. Chunki biz har doim futbolchilarga uqtiramiz. Lekin... Ochig'i men bu holatni izohlay olmayman. 

Mashg'ulotlarda har xil taktikalarni sinovdan o'tkazamiz. Bu tabiiy hol. Ammo bugun biz o'ylagan rejalar amalga oshmadi. Dostonbek Hamdamov o'yinni tashkil qilish borasida ajoyib harakat qila oladi. Otabek Shukurov ham maydonni boshqarish qobiliyati bor. Lekin u bugun o'z o'yinini namoyish eta olmadi. Shuningdek Ahmadaliev, Komilov va Shomurodovning ham o'rni bilindi. Bu katta yo'qotishlar edi. Hamdamovning o'zi nimadir qilishi qiyin edi. Chunki jamoada uning haqiqiy sheriklari yo'q edi.

Jamoa 3 ta turdan beri mag'lub bo'lmoqda. Buning uchun murabbiyni almashtirish kerak bo'lsa, murabbiy almashib natija yaxshilanadigan bo'lsa, men tayyorman. Ammo buni ko'proq rahbarlar hal qiladi», degan Lushchan.

— deya xabar beradi Tribuna nashri.

Do`stlarbilan baxam ko`rish: