Kirish | A'zo bo'lish

«Manchester Siti» yozda tarkibni keskin ravishda o'zgartirishi mumkin. Bu haqda The Telegraph nashri xabar tarqatdi.

Manba bergan ma'lumotlarga ko'ra, bosh murabbiy Xosep Gvardiola klub xo'jayinlaridan yangi transferlar uchun 200 mln funt (230 mln yevrodan ortiqroq) mablag' oladi.

Joriy mavsumdan so'ng bir qator futbolchilar — Villi Kabalero, Gael Klishi, Aleksandr Kolarov, Pablo Sabaleta, Bakari Sanya, va Yahyo Turening amaldagi shartnomasi nihoyasiga yetadi. Hozirga qadar, bu futbolchilarning birortasi bilan yangi bitim imzolangani yo'q. Katta yehtimol bilan ularning ko'pchiligi jamoani tark yetadi.

Shuningdek 2008 yildan buyon jamoada to'p surib kelayotgan Vensan Kompanining ketma-ket jarohat olaverishi, Gvardiolaning xafsalasini pir qilgan va futbolchi mavsum yakuniga yetgach, jamoani tark yetishi kutilmoqda. Bundan tashqari ijaraga berilgan futbolchilar - Jo Hart, Yelyakim Mangala, Vilfrid Boni, Jeyson Denayer va Samir Nasrining xizmatidan ham voz kechilishi kutilmoqda.

Hozirda Gvardiola jamoaga taklif yetishni rejalashtirgan futbolchilar orasida Kayl Uoker, Deni Rouz (ikkalasi — «Tottenhem»), Fabino («Monako»), Yektor Belerin («Arsenal»), Leonardo Bonuchchi («Yuventus»), Xose Luis Gayya («Valensiya») va Joshua Kimmix («Bavariya») nomlari tilga olinmoqda.

— deya xabar beradi Tribuna nashri.

Do`stlarbilan baxam ko`rish: