Kirish | A'zo bo'lish

«Real» prezidenti Florentino Peres klub, uning raqiblari va hakamlar to'g'risida ishonchsiz xabarlarni tarqatidigan sayt yaratish uchun 300 ming yevro to'lagan. Bu haqda AS nashri xabar tarqatdi.

Manbaga ko'ra, sayt yaratishdan maqsad Ispaniyada va boshqa mamlakatlarda Madrid klubi imijini ko'tarishdan iborat bo'lgan.

Eldiario.es nashri xabariga ko'ra, Peresning ko'rsatmasiga asosan 2013 yilda jurnalist Alexandro de Pedro bilan diariobernabeu.com internet-resursini yaratgan. Sayt nafaqat klubning obro'sini oshirish bilan, balki hakamlar va Peresning raqiblariga qarshi kampaniya bilan shug'ullangan.

Bundan tashqari, sayt bosh murabbiylarga uchrashuvlarda tarkib tanlash borasida bosim uyushtirgan. Masalan 2014 yilda madridliklar hujumchisi Garet Beylning maydonga tushishini so'roq ostiga qo'yishga sabab bo'lgan: futbolchini tarkibga qo'shmaslik uchun ikkita maqola chop yetilgan.

«Real» prezidenti ye'lon qilinadigan materiallarni shaxsan nazorat qilib turgan. Bu Peres bilan de Pedro o'rtasidagi ko'p sonli telefon muloqotlari orqali tasdiqlangan.

Jurnalist 2013 yilning sentyabr oyida «Real» prezidenti bilan 300 ming yevrolik shartnoma tuzgan. 2015 yilning mart oyida Peres sudda klub obro'sini oshirish uchun de Pedroga murojaat qilganini tan olib o'tgandi.

— deya xabar beradi Tribuna nashri.

Do`stlarbilan baxam ko`rish: