Kirish | A'zo bo'lish

«Barselona» tinmasdan qiziqish bildirayotgan «Sevilya» bosh murabbiyi Xorxe Sampaoliga Qatar terma jamoasini boshqarishi taklif qilindi. Bu haqda Marca nashri xabar tarqatdi.

Manbaga ko'ra, argentinalik mutaxassis O'zbekiston terma jamoasining JCh-2018 saralashidagi raqibi bilan uzoq muddatlik shartnoma imzolashi mumkin. Shartnomaning moliyaviy tomonlari ham murabbiy uchun ye'tiborligi bo'lishi kutilmoqda.

Rejaga ko'ra, murabbiy Qatarni mamlakatda bo'lib o'tadigan JCh-2022 musobaqalariga tayyorlashi kerak bo'ladi. Argentinalik mutaxassisning yordamchisi sifatida yana bir futbol yulduzi Ispaniya terma jamoasi va «Barselona» sobiq yarimhimoyachisi Xavi yegallashi mumkin. Shuningdek murabbiylar shtabidan 14 nafar mutaxassis o'rin yegallashi kutilmoqda.

Taklif o'z ichiga bonuslarni ham oladi. Agar Qatar JCh-2022da guruh bosqichiga yo'l olsa va jamoa Olimpiada o'yinlari yo'llanmasini qo'lga kiritsa, bonuslar kuchga kirishi mumkin.

Hozirgi kunda Qatar terma jamoasini Xorxe Fossati boshqarib bormoqda. Jamoa O'zebkiston terma jamoasi joy olgan JCh-2018 saralash guruhida so'nggi o'rinda bormoqda. Terma jamoa O'zbekistonga ikki uchrashuvda ham imkoniyatni boy bergan.

— deya xabar beradi Tribuna nashri.

Do`stlarbilan baxam ko`rish: