Kirish | A'zo bo'lish

Angliya premer-ligasining 32-turidan o'rin olgan yana bir uchrashuvda «Everton» «Lester»ni qabul qildi.

Uchrashuvning dastlabki daqiqalaridanoq ketma-ket gollar kiritildi. Avvaliga Devis 39-soniyadayoq jamoasini hisobda oldinga olib chiqqan bo'lsa, Islom Slimani va Mark Olbrayton 10-daqiqagacha mehmonlarni hisobda oldinga chiqarib qo'ydi. Ammo liverpulliklar birinchi bo'limni o'z foydasiga o'zgartirishga muvaffaq bo'lishdi. Romelu Lukaku va Fil Jagelka tomonidan kiritilgan gollar hisobni 3:2 ko'rinishiga keltirdi. Ikkinchi bo'limda Lukaku tomonidan kiritilgan yana bir gol o'yinga so'nggi nuqtani qo'ydi.

Natijada «Lester» Shekspir boshchiligida qo'lga kiritilgan ketma-ket olti g'alabadan so'ng APLda ilk marta mag'lubiyatga uchradi. «Everton» g'alabadan so'ng ochkolari sonini 54taga yetkazib, «Arsenal»ga tenglashib oldi. Biroq «Arsenal»da uchta o'yin zaxirasi bor. 32-turning so'nggi uchrashuvida Arsen Venger shogirdlari yertaga «Kristal Pelas»ga qarshi uchrashuvda maydonga tushadi

Angliya premer-ligasi, 32-tur

Everton – Lester 4:2 (3:2)

Gollar: Devis (1), Lukaku (23, 57), Jagelka (41) – Slimani (4), Olbrayton (10).

Everton: Robles, Xolgeyt, Pennington, Djagelka, Beyns, Guye, Shnayderlin (Berri, 73), Devis, Barkli, Lukaku, Miralyas.

Lester: Shmeyxel, Amarti, Benaluan, Hut, Chiluell, Olbrayton (Uloa, 78), King, Drinkuoter, Grey (Marez, 61), Slimani, Vardi (Musa, 61).

Ogohlantirishlar: Miralyas (29), Hut (29), Beyns (45), King (64).



— deya xabar beradi Tribuna nashri.

Do`stlarbilan baxam ko`rish: