Kirish | A'zo bo'lish

O'zbekiston ayollar terma jamoasi bugun, 9 aprel kuni Osiyo Kubogi–2018 turniriga saralash bosqichi «B» guruhi 3-turida mezbon KXDR termasiga qarshi bahslashdi.

KXDR poytaxti Pxengyang shahridagi Kim II Sung stadionida bo'lib o'tgan o'yinda Sherali Boboqulov shogirdlari 0:4 hisobida imkoniyatni boy berdi, deb yozmoqda O'FF matbuot xizmati. 

Shunday qilib, O'zbekiston ayollar termasi 3 o'yindan keyin 6 ochko bilan guruhda ikkinchi o'rinni egallab turibdi. KXDR 4 ta o'yin o'tkazgan holda 10 ochko bilan 1-o'rinni saqlab turibdi. 

Musobaqa qoidalariga ko'ra, faqatgina guruh bosqichida zafar quchgan terma jamoa Osiyo Kubogi–2018 turnirining final bosqichiga yo'llanma oladi. O'z guruhida g'alaba qozongan terma jamoalar Yaponiya, Avstraliya, Xitoy (Osiyo chempionati–2014 yakuniga ko'ra eng yuqori reytingga ega bo'lgan jamoalar) hamda Iordaniya (turnir mezboni)ga qo'shiladi.

Guruhdagi yagona mag'lubiyat Sherali Boboqulov jamoasining Osiyo Kubogi–2018 musobaqasi final bosqichiga chiqishiga to'sqinlik qildi. O'zbekiston ayollar termasi Janubiy Koreyaga qarshi o'yin natijasidan qat'i nazar guruhda 1-o'rinni egallay olmaydi. «B» guruhida 1-o'rin uchun kurashni KXDR va Janubiy Koreya olib boradi.  

Osiyo Kubogi–2018 saralashi

«B» guruhi, 3-tur

KXDR – O'zbekiston 4:0 (1:0)

Gollar: Kim (28, 90), Sang (54, 65).

— deya xabar beradi Tribuna nashri.

Do`stlarbilan baxam ko`rish: