«Barcha teng» tushunchasi ChL 1|4 final raundi ishtirokchilariga nisbatan faqat nazariy tomondan to'g'ri keladi, xolos. Amaliyotda esa favoritlar tayin - «Barselona», «Real» va «Bavariya». Axir ular 1 yil oldin ham, 3 va 4 yil oldin ham yarim finalda o'ynashgan.
Mavsum-2013|2014da esa yarim finalchilar kvartetidan birgina «Barselona» tushib qolgandi. O'shanda «qaysar» «Atletiko» kataloniyaliklarni kurashdan chiqarib yuborgandi. Mana, «ko'zi ojiz» qur'a dahshatli «Barsa» va tartibli, ammo yon bermas «Atletiko»ni yana bir-biriga ro'baro' qildi.
«Bavariya» va «Real»ga nasib etgan «Benfika» va «Volfsburg» klublari bir qarashda, «Atletiko» oldida «shirin kulcha»dek. Ammo oldindan bir narsa deyish qiyin. Yana bir juftlik esa chinakam shayxlarcha ko'rinish oldi: «PSJ»-«Manchester Siti». Xullas, Abu-Dabi qirollik oilasi vakili shayx Mansur («Siti» sohibi) Qatar Investment Authority rahbari shayx al Taniga qarshi.
Aytgancha, qur'a jarayonida premera ham kuzatildi. Ya'ni oxirgi yillardagi tantanali tadbirlarning doimiy maestrosi Janni Infantino o'rnida UEFA Musobaqalarni o'tkazish departamenti direktori, italiyalik Jorjo Marketti namoyon bo'ldi.
MUTAXASSIS BAShORATI
Rossiya termasi, «Benfika» va «Selta» klublari sobiq yarim himoyachisi Aleksandr Mostovoy «SE» nashri iltimosiga ko'ra, ChL 1|4 finali juftliklariga baho berib, o'z taxminini foiz bo'yicha bayon etdi.
Davomi InterFUTBOL gazetasi blogida.
— deya xabar beradi uff.uz nashri.