Ustoz jurnalist, o'zbek futboli sharhlovchiligi maktabi asoschisi Axbor Imomxo'jaevning hayot yo'li tasvirlangan «O'zimizning Axbor aka»  nomli kitobning taqdimot marosimi bo'lib o'tdi.
Hamroxon Musurmonovaning qalamiga mansub kitob taqdimoti O'zbekiston Paralimpiya qo'mitasi binosida o'tkazildi. Tadbirda o'zbek futboli faxriylari, mutasaddilar, murabbiylar, jurnalistlar va Axbor Imomxo'jaevning sinfdosh hamda kursdosh do'stlari ishtirok etdilar. Tadbir avvalida mehmonlar Axbor akaga iliq tilaklarini bildirdilar. So'ngra ustoz jurnalist yosh hamkasblariga o'z maslahat va tavsiyalarini bildirib o'tdi.
Taqdimot marosimi davomida «O'zimizning Axbor aka» ko'plab insonlar tomonidan xarid qilindi va Axbor Imomxo'jaev har bir kitobga dil so'zlari bilan dastxat bitib berdi. Asar kitob do'konlariga ham sotuvga chiqarilgan bo'lib, narhi 12 ming so'mdan iborat. Unda nafaqat Axbor Imomxo'jaevning hayot yo'li, balki o'zbek sharhlovchiligi maktabi bilan bog'liq bir qator tafsilotlardan boxabar bo'lishingiz mumkin.
— deya xabar beradi uff.uz nashri.