Londonning «Arsenal» klubi va Frantsiya terma jamoasi sobiq hujumchisi Terri Anri qanotda o'ynashni yoqtirmaganini tan oldi.
- Terma jamoada umummanfaat yo'lida o'z qiziqishlaringni bir chetga surib turishga to'g'ri kelardi. Oddiyroq qilib aytganda - har doim ham o'zingga qulay bo'lgan pozitsiyada to'p sura olmaysan. Jamoa uchun noodatiy ampluada o'ynashga ko'nikish kerak. Terma jamoaga chaqiriladigan har qanday futbolchi bunga tayyor turishi kerak.
Men Frantsiya terma jamoasida qanotda o'ynashni yoqtirmas edim. Ammo xalqaro faoliyatimning aksariyat qismida aynan qanotda o'ynashimga to'g'ri keldi. Balki men jamoaning eng yaxshi to'purari bo'lgandirman, ammo murabbiy qanotda o'ynasam barqarorlik oshishi haqida gapirardi. Shu sababli indamay qanotga o'tib ketganman, - deydi Anri.
— deya xabar beradi uff.uz nashri.