Bugun O'zbekiston chempionati 3- tur uchrashuvlariga tayinlangan hakamlar ro'yxati ma'lum bo'ldi. Unga ko'ra 2- aprel (shanba) kuni o'tkaziladigan "Navbahor" - "So'g'diyona" o'yinini toshkentlik Hasan Ro'ziev boshqarib boradi. Unga qanotlarda poytaxtlik Olim Abduvosilov va Sanjar Shoyusupovlar ko'maklashishadi. Zaxira hakami sifatida andijonlik Akmal Rahimov qayd etilgan. Bellashuvni nazorat qilib borish Sayfitdin Ermatov (Toshkent) zimmasiga yuklatildi. Namanganga shuningdek PFL vakili sifatida Noil Lutfulin tashrif buyuradi.
— deya xabar beradi uff.uz nashri.