Ispaniya chempioanti 31-turida “Real” jamoasi safarda “Barselona” mehmoni bo'ladi. Ushbu o'yinni ko'pchilik futbol muxlislari intizorlik bilan kutmoqda. Ispaniya OAVlari “El-Klassiko”ga oid qiziqarli statistikani aniqladi. Ma'lum bo'lishicha, “Real” safida Ronaldu, Beyl va Benzema birgalikda maydonga tushganida, Madrid klubi “Barselona”ni mag'lubiyatga uchrata olmagan ekan. Ushbu futbolchilar kataloniyaliklarga qarshi jami uch o'yinda birgalikda maydonga tushishgan. Ta'kidlash kerakki, Garet Beyl 2014 yilda “Real” a'zosiga aylangan. O'shandan buyon “Qirolli klubi” “Barselona”ni ikki marotaba mag'lubiyatga uchratgan: 2013/14 yilgi mavsumda Ispaniya Kubogi finalida (2:1) va o'tgan mavsum Ispaniya chempionati 9-turida. Kubok finalida Ronaldu jarohati tufayli maydonga tusha olmagan edi. Ikkinchi holatda esa Beyl o'yinni o'tkazib yuborgan edi. Eslatib o'tamiz, “Barselona” va “Real” o'rtasidagi uchrashuv 2-aprel kuni, soat 23:30 da boshlanadi. 
— deya xabar beradi uff.uz nashri.