Londonning "Arsenal" klubi qishda "Bayer" yarim himoyachisi Hoqon Chalxanogluni sotib olishga urinib ko'rmoqchi.
Xabar qilinishicha, londonliklar 21 yoshli futbolchi borasida yaqin vaqtlar ichida muzokara boshlaydilar. Transfer esa yanvarning boshlaridayoq amalga oshirilishi rejalashtirilgan.
Eslatib o'tamiz, Chalxanoglu bilan "MYu", "Yuventus" va "Milan" ham qiziqish bildirgan. Turk futbolchisi joriy mavsum Germaniya chempionati va EChLda 13 o'yinda maydonga tushgan va 4 ta gol kiritib, 2 ta golli uzatmani amalga oshirgan.
— deya xabar beradi uff.uz nashri.