Madridning “Real” klubi rahbariyati hamon Dortmundning “Borussiya” jamoasi hujumchisi Per-Emerik Obameyangni xarid qilish fikridan qaytmagan. Bu haqida Bild nashri xabar tarqatdi. “Real” yozda Alvaro Moratani o'z safiga qaytarmoqchi. Madridliklar “Yuventus” bilan shartnomaga ko'ra hujumchini 30 million dollar evaziga sotib olish huquqiga egalar. Shundan so'ng “Real” “Borussiya”ga Obameyang uchun Moratani hamda 70 million evro taklif qiladi. Joriy mavsumda Obameyang Bundesliganing 25ta o'yinida maydonga tushib, 22ta gol kiritgan.
— deya xabar beradi uff.uz nashri.