"UZREPORT TV" telekanali Angliya Premer-ligasi o'yinlari translyatsiyasini davom ettiradi. Xabaringiz bor, telekanal orqali shanba va yakshanba kunlari APLdan o'rin olgan bir qator o'yinlar "jonli" efirda namoyish qilib kelinmoqda.
Telekanal auditoriyasining kengligini va ko'plab tomoshabinlarning talab va istaklarini inobatga olgan holda, shu haftadan boshlab Premer-liga o'yinlari o'zbek tilida ham sharhlanadi.
Jumladan, 2 aprel kuni Toshkent vaqti bilan soat 19:00da "Emireyts" stadionida "Arsenal" klubi "Uotford"ga qarshi maydonga tushadi. Mazkur o'yinni Davron Fayziev va Yoqubjon Bobojonovlar birgalikda sharhlab borishadi. Shu kuni soat 21:30da esa "Enfild"da "Liverpul" klubi "Tottenxem" bilan bahslashadi. Bu uchrashuvni Jasurbek Gaybullaev va Otabek Djuraevlar rus tilida sharhlashadi.
3 aprel yakshanba kuni esa soat 17:30da "Lester" klubi "Sautgempton" bilan kuch sinashadi. Kechki soat 20:00da esa "Old Trafford"da "Manchester Yunayted" jamoasi "everton"ga qarshi o'yin o'tkazadi. "Lester" - "Sautgempton"ni Gaybullaev - Djuraev juftligi sharhlab borsa, "MYu" - "Everton" o'yinini Fayziev va Bobojonov sharhlashadi.
Tez orada rus va o'zbek tilidagi sharhlar borasida sizlarni yana bir ajoyib syurpriz kutib turibdi. Bu haqida vaqti kelsa ma'lum qilamiz.
"UZREPORT TV" telekanalida syurprizlar mavsumi davom etadi...
Davomi UzReportTV blogida.
— deya xabar beradi uff.uz nashri.