Londonning «Arsenal» klubi bosh murabbiyi Arsen Venger jamoa yarim himoyachisi Mesut O'zil aytgan gaplar borasida fikr bildirdi. Eslatib o'tamiz, germaniyalik yarim himoyachi londonliklar chempion bo'lishlari uchun kuchli futbolchilar sotib olishlari lozimligini aytgan edi.
- Bu haqida O'zil bilan albatta gaplashib olaman. Bunday bayonotlar yaxshi emasligi aniq.
Biz ishonishimiz kerak. Yuzta imkoniyatdan bittagina qolsa ham ishonish shart. Faqat shundagina bizda imkoniyat bo'ladi.
Eng yomoni - ishonch yo'qolishi. Biz oxiriga qadar kurashishimizga ishonmog'imiz lozim. Muxlislarni saqlab qolishning eng yaxshi yo'li shu, - deydi Venger.
Shu bilan birga murabbiy yozda Mesut O'zil va Aleksis Sanches bilan yangi shartnoma imzolash ehtimoli mavjudligini xabar qilgan.
— deya xabar beradi uff.uz nashri.