“Sport” telekanalidagi eng tomoshabinlari ko'p bo'lgan ko'rsatuv qaysi degan savolga hamma bir ovozdan: “”Futbol sharhi” ko'rsatuvi” deb javob berishi aniq. Xo'sh xaftaning har dushanba oqshomida barcha futbol ixlosmantlarini teleekran qarshisiga “mixlab” qo'yadigan ushbu ko'rsatuvning ertangi soni mehmoni kim bo'ladi?
Barchaga qiziq, shunday emasmi? Unda tanishing “Futbol sharhi” ko'rsatuvining ertangi soni mehmoni, 2015-yilgi O'zbekiston kubogi sohibi- Qarshining “NASAF” jamoasi bosh murabbiyi RO'ZIQUL BERDIEV. Demak, loyiha muallifi va boshlovchisi Zafar Imomxo'jaev va “Nasaf” muxlislari axiri o'z niyatlariga etishdi. Muxlislarimiz mana nihoyat o'z sevimli murabbiylarini “Futbol sharhi” ko'rsatuvida ko'rishadi, uning fikrlarini eshitishadi, finalni Berdiev nigohi bilan tahlil qilishadi.
Yana bir bor O'ZBEKISTON KUBOGI muborak bo'lsin azizlar!
Azamat Umarov
— deya xabar beradi uff.uz nashri.