"Napoli" hujumchisi Gonsalo Iguain bir nechta o'yinga chetlatilishi mumkin. Bunga sabab "Udineze"ga qarshi kechgan va 1:3 hisobida mag'lubiyat bilan yakunlangan o'yinda Iguain o'zini tajovuzkor ruhda tutgan.
Uchrashuvning 75-daqiqasida Iguain raqib himoyachisi Felipega zarba bergan edi. Shu sababli ikkinchi sariq kartochkani olib, maydondan chiqib ketgan. Boz ustiga hujumchi hakamni ham itarib yuborgan va keyin o'zini xotirjam bo'lishga chaqirgan har ikki jamoa futbolchilariga qo'pollik ishlatgan. Iguain kiyinish xonasiga yo'l olarkan, atrofida uchragan hammaga baqirishni to'xtatmagan.
Odatda bunday holatda futbolchi uchta o'yinga qadar chetlatilishi lozim. Ammo Gonsalo Iguainning jazosi jiddiyroq bo'lishi mumkin.
— deya xabar beradi uff.uz nashri.