Osiyo chempionlari ligasi “A” guruhi 4-turidan o'rin olgan “Lokomotiv” va “Sepahon” jamoalari o'rtasidagi uchrashuv o'z nihoyasiga etdi. Mazkur uchrashuvda 1:0 hisobida “temiryo'lchilar” g'alaba qozonishdi. Dastlabki bo'lim biroz zerikarli o'tdi va unda hisob ochilmadi. Ikkinchi bo'limni faol boshlagan toshkentliklar nihoyat raqib darvozasiga yo'l topdi. 54-daqiqada Temurxo'ja Abduxoliqov gol muallifi bo'ldi. Shundan so'ng vakillarimizda hisobni oshirish uchun bir qator imkoniyatlar yuzaga kelgandi. Biroq hisob o'zgarmadi va “Lokomotiv” muhim g'alabani qo'lga kiritdi. OChL–2016. “A” guruhi, 4-tur “Lokomotiv” – “Sepahon” 1:0
Gol: Abduxoliqov (54)
Ogohlantirishlar: Maharadze (17) – Gaydifar (23), Karami (45)
Chetlatish: Gaydifar (90)
“Lokomotiv”: Nesterov, Maxaradze, Jeparov, Bikmaev (Hasanov, 66), Abduholiqov, Mustafoev, Kapadze, To'xtaxo'jaev, Shoahmedov, Zoteev (Aliboev, 75), Fayziev.
“Sepahon”: Ahmadiy, Karimiy, Navidkia (Manuchexri, 71), Karami, Ibrichich (Xalatbari, 60), Musaev (Sarlak, 65), Padovani, Gafuriy, Pereyra, Gaydifar, Fazeliy.
— deya xabar beradi uff.uz nashri.