Evropa Chempionlar ligasining chorak finalidan o'rin olgan “Volfsburg”hamda “Real Madrid” klublari o'rtasidagi dastlabki uchrashuv o'z nihoyasiga etdi. Unda 2:0 hisobi qayd etilib, maydon egalarining g'alabasi bilan yakunlandi. Dastlab, o'yinning 18-daqiqasidayoq Rikkardo Rodriges penaltidan unumli foydalanib hisobni ochdi. Oradan etti daqiqa o'tar-o'tmas Arnold Keylor Navas darvozasiga ikkinchi golni ham kiritdi. Tanaffusga qadar hisob boshqa o'zgarmadi. Ikkinchi bo'limda “Volfsburg“ a'zolari ko'proq himoyaga e'tibor qaratishdi va “Real“ farqni qiqqartirish umidida hujumga otlandi. Shunday bo'lsada, final hushtagiga qadar tablodagi 2:0 hisobi o'zgarmay qoldi. Shu tariqa, “Real” sensatsion tarzda safarda “Volfsburg”ga yutqazib qo'ydi. Evropa Chempionlar ligasi, Chorak final
Dastlabki uchrashuv Volfsburg Germaniya – Real Madrid Ispaniya 2:0 (2:0, 0:0)
Gollar: 1:0 – 18, penalti Rodriges, 2:0 – 25 Arnold.
Volfsburg – Benalo, Vieyrinya, Naldo, Dante, Rodriges, Gilavogi, Luis Gustavo, Bruno Enrike (Tresh, 80), Arnold, Draksler (Shefer, 90), Shyurrle (Kruze, 85).
Real Madrid – Navas, Danilo, Pepe, Ramos, Marselo, Modrich (Isko, 64), Kazemiro, Kroos (Xames, 85), Beyl, Benzema (Xese, 41), Ronaldu.
Ogohlantirishlar: Vieyrinya (19), Benalo (50), Luis Gustavo (61), Beyl (69), Arnold (69).
— deya xabar beradi uff.uz nashri.