Osiyo Chempionlar ligasining 4-turida Toshkentning “Paxtakor” klubi safarda “Traktorsozi” jamoasiga 2:0 hisobida imkoniyatni boy berdi. Biz o'z an'anamizga sodiq qolgan holda o'yinga oid bir qator faktlarni e'tiboringizga xavola etamiz.
1. “Paxtakor” musobaqadagi 85-uchrashuvini o'tkazib, 32-mag'lubiyatini qabul qilib oldi.
2. “Sherlar” ushbu turnirda 37 ta g'alaba va 16 ta durang ham qayd etishgan. To'plar nisbati 117:113
3. Toshkentliklar safardagi 42-o'yinda ishtirok etib, 22-marta imkoniyatni boy berishdi.
4. “Paxtakor” safardagi bahslarda 11 g'alaba va 9 durangga erishgan. To'plar nisbati 45:72
5. “Paxtakor” Eron klublariga qarshi Chempionlar ligasidagi 15-uchrashuvini o'tkazdi. Toshkentliklar ana shu o'yinlarning 10 tasida g'alaba qozonib, 4 tasida imkoniyatni boy bergan. Yana bir bellashuvda esa durang natijasi qayd etilgan. To'plar nisbati 22:15 “Paxtakor” foydasiga!
6. “Sherlar” Eronda 7 ta o'yin o'tkazib, 2 g'alaba, 1 durang va 4 mag'lubiyat qayd etishgan.
7. “Traktorsozi” OChLda O'zbek jamoalari bilan o'tkazgan 4-uchrashuvida ilk bor g'alaba qozondi. Klub bundan oldingi 3 ta bahsni ham boy bergan edi.
8. “Traktorsozi” turnirdagi 22-uchrashuvida 6-g'alabasiga erishdi.
Davomi Furqat Yusupov blogida.
— deya xabar beradi uff.uz nashri.