Urugvay terma jamoasi sobiq hujumchisi Daniel Fonseka «Barselona» hujumchisi Luis Suares haqida tanqidiy fikrlar bildirdi. Eslatib o'tamiz, Fonseka Suaresning sobiq agenti hisoblanadi.
Fonseka sobiq mijozi ruhan va ma'naviy jihatdan muammolarga egaligini aytib o'tgan. Suares 2006 yilda «Nasonal»dan «Gronningen»ga o'tgan vaqtda to'langan mablag'dan 20 foizini berishlari lozim bo'lgani, ammo agenti ushbu mablag'ni to'lamaganini da'vo qilib chiqqan edi. Bunga javoban Fonseka futbolchi haqida keskin fikr bildirdi.
- Suares aldamoqda. U yana bir bor ruhan muammolarga egaligini isbotlab qo'ydi. Albatta biz bu haqida bilamiz. Shunday muammolari borligi sababli ham Suares ruhshunos yordamidan foydalanmoqda. Ammo bu yordam samarali bo'lmoqda, deya olmayman. Shunday ekan, u yo boshqa ruhshunos topishi kerak, yoki psixiatrga murojaat qilishi lozim.
Suares hatto sanashni ham bilmaydi. Agar biror narsani hisoblamoqchi bo'lsa, barmoqlaridan foydalanadi. U bezbetlikni yig'ishtirib, haqiqatni aytsa yaxshi bo'lar edi. Suares - qo'rqoq va uyatsiz odam, - deydi Fonseka.
— deya xabar beradi uff.uz nashri.