Angliya Professional futbol ligasi «Lester»ga qarshi surishtiruv ishlarini boshladi. Jamoa 2013/2014  yilgi mavsumda moliyaviy feyr-pleyni buzganlikda ayblanmoqda.
Eslatib o'tamiz, o'sha yili «Lester» quyi ligada g'olib chiqib, Premer ligaga yo'l olgan edi. Klub xo'jayini Vichay Srivadxanaprabx 2010 yilda «Lester»ni sotib olgach, 100 million funtdan ko'proq mablag' sarflagan.
2014 yilning yanvar oyida «Lester» Trestellar Ltd  kompaniyasi bilan hamkorlikda klub brendini Janubi-Sharqi Osiyoda reklama qilgan. Bu ish natijasida klub xo'jayini homiylik shartnomalarini 11 million funtga qadar oshirib, bir yil avval 34 million funtga qadar borgan zararni kamaytirishga erishgan.
O'sha yili «Lester» futbolchilar maoshi uun 36 million funt sarflagan. Ushbu mablag' klub olgan daromaddan 5 million funt ko'proq hisoblanadi. O'sha vaqtdayoq «Lester» tarkibida Kasper Shmeyxel, Ues Morgan va Jeymi Vardi bo'lgan. Kelasi mavsumda esa 560 ming funt evaziga «Gavr»dan Riyod Mahrez sotib olingan. «Lester» Premer ligaga chiqqani uchun 9.4 million funt mablag'ni mukofot puli sifatida futbolchilarga tarqatgani ham aytilmoqda.
— deya xabar beradi uff.uz nashri.