«Barselona» jamoasi bosh murabbiyi Luis Enrike «Atletiko»ga qarshi (0:2) EChL javob o'yinidan so'ng o'z fikrlarini aytib o'tdi. «O'yin qiyin kechishini kutgandik, ammo «Atletiko»ning himoyaga bunday chekinishiga tayyor emasdik. O'yin biz uchun yaxshi o'tmadi, bizga birdamlik etishmagandek tuyuldi. Albatta, keyingi bosqichlarga chiqib, bosh sovrin uchun kurashmoqchi edik, endi esa «Atletiko»ni tabriklashga majburmiz. Jamoa ham, muxlislar ham EChL kubogi o'zimizda qolishini xohlagan edi, lekin bunday bo'lib chiqmadi. Raqib ko'proq hujum qilishini taxmin qilgandim va adashdim. «Barselona» hech qaday bosim ostida harakat qilmadi. Bizga birozgina ayyorlik etishmadi. «Atletiko» esa o'z navbatida himoyada mustahkam turib berdi. «Atletiko»ni g'alaba bilan tabriklayman, ular bizdan ko'ra yaxshi o'ynadi. Oldimizga doim yuqori maqsadlarni qo'yamiz va «Barselona» barcha turnirlarda bosh sovrin uchun kurashishidan farxlanamiz. Ikkita turnirda kurashni davom ettiramiz. U erda imkoniyatlarimiz juda yuqori», – deydi Luis Enrike. 
— deya xabar beradi uff.uz nashri.