«Bavariya» bosh murabbiyi Xosep Gvardiola Chempionlar ligasi doirasida «Atletiko»ga qarshi kechadigan yarim final o'yinlari oldidan fikr bildirdi.
- Men ispan futbolini kuzatib boraman va «Atletiko» qay darajada kuchga egaligini yaxshi bilaman. Simeone mana besh yildirki jamoani boshqarib kelmoqda va u dunyoning eng yaxshi murabbiylaridan biridir. Jamoa uning qo'l ostida ruhiyatini butkul o'zgartirdi.
«Barselona» - mana o'n yildirki Evropaning eng kuchli klubi bo'lib kelmoqda. «Atletiko» oxirgi uch yilda ikki marta uni Chempionlar ligasidan chiqarib yubordi. Bu esa raqib qay darajada kuchli ekanini bildiradi. Hatto eng yaxshi holatda bo'lmaganda ham ular bor ishtiyoq bilan o'ynaydilar, - deydi Gvardiola.
— deya xabar beradi uff.uz nashri.