“Barselona” akademiyasi – nihoyatda yirik brenddir. Biroq Messi, Buskets va Xavilardek ushu jamoa safida gullab-yashnay olmagan ko'p iqtidorlar mavjud. Biz hozir sizlarga ko'k-anor-rangni boshqa rangga almashtirgan taniqli futbolchilarni e'tiboringizga havola etamiz.
Kim: Mauro Ikardi
Ampula: markaziy hujumchi
Joriy klubi: “Inter”
Mauroning faoliyati  qaysidir jihatidan Messinikiga o'xshab ketadi. Ikkovi ham Argentinaning Rossario shahrida dunyoga kelishgan va go'dakligidanoq kataloniyaliklar akademiyasiga kelib tushishgan. Hattoki, ushbu ikki futbolchini axtarib topgan skaut ham bitta odam edi. Messidan farqli o'laroq Ikardi faoliyatini Ispaniyada boshlagan va 7 yil mobaynida “Vesinandrio” yoshlari safida 500 golni o'z hisobiga rasmiylashtirgan.
“Real” skautlari ota-onamni “Real”ga o'tishimga ko'ndirmoqchi bo'lishgan, lekin men o'z ko'nglimga yaqin bo'lgan “Barselona”ni tanladim”.
Faoliyatini Kataloniyada jonlantirishni istagan hujumchi “ko'k-anor-ranglilar” bilan 5 yilga mo'ljallangan shartnoma imzoladi. “Barselona”dagi bir necha mavsumda u eng yaxshi to'purar bo'ldi va o'smirlar EChL g'olibiga aylandi. Ikardi baribir “Barselona” asosiy jamoasi tarkibida debyut qilmadi. “Klubni tark etishimni taqdir taqozo qildi va men bunga aslo afsuslanmayman. Agar futbolchi o'sishni istasa, aniq bir to'xtamga kelishi lozim”, deya Mauro ketish sababini uqtirib o'tdi. Hozirda Milanning “Inter” jamoasini Maurosiz tasavvur qilib bo'lmaydi. O'z navbatida “Inter” ham futbolchiga kelib tushayotgan ko'p millionli takliflarni rad etishga ojiz qolyapti.
Kim: Jerar Delofeu
Ampula: qanot hujumchisi
Joriy klubi: “Everton”
“Barselona”da o'z talantimni ko'rsatishim uchun imkon bo'lmadi. U erda yosh o'yinchilarga hech qachon asosiy jamoaga qo'shilish engil bo'la olmaydi”, deya futbolchi ta'kidlab o'tdi. Katta tezlik egasi bo'lgan ushbu futbolchi klub akademiyasiga 9 yoshlik paytidayoq kelib tushgan. Vaqt o'tgan sayin Gvardiola futbolchini asosiy jamoaga o'tkazgan. Ammo, u boshqa futbolchilar kabi raqobat qurboniga aylanib qoldi. Delofeuning asosiy jamoa tarkibida o'tkazgan o'yinlari qo'l bilan sanarli. Keyin u Mersisaydning “Everton” klubiga ijara asosida berib yuborildi. Ammo, 2 yil o'tib, futbolchini jamoada ko'ra bilmagan “Barselona” futbolchining transfer huquqini to'laqonligicha liverpulliklarga o'tkazib berdi. Hozirda u “Everton” tarkibidagi muhim o'yinchilardan biridir va joriy mavsum davomida bir necha to'pni raqiblar darvozasi to'riga joylab qo'yishga erishgan.
Davomi Penalti.uz blogida.
— deya xabar beradi uff.uz nashri.