“Bunyodkor” – “Olmaliq” uchrashuvidan keyin tashkil etilgan matbuot anjumanining ikkini qismida “qaldirg'ochlar” ustozi ishtirok etdi.
- Umuman olganda, yaxshi o'yin bo'ldi. Avvaldan o'ylab qo'ygan rejalarimizni amalga oshira oldik. Imkoniyatlardan foydalandik. Vaziyatlarni golga aylantirish borasidagi ko'rsatkichlarimiz yaxshi tomonga o'zgarayotganidan xursandman. Legioner futbolchilarimizning o'yini yaxshi tomonga o'zgarib ketadi, degan fikrdaman. To'g'ri, bungacha gol o'tkazmayotgandik. Bugun esa ikki bor o'z darvozamizdan to'p olib chiqdik. Biroq eng asosiysi g'alaba, deb o'ylayman. Biz har safar qanday o'yin o'tkazmaylik, uni jiddiy tahlil qilamiz. Oldimizda Chempionlar ligasining muhim uchrashuvi bor. O'ylaymanki, klub shifokorlari navbatdagi bahsga yigitlarni jismoniy tomondan yaxshi tayyorlay oladi, - deydi Sergey Ivanovich.
— deya xabar beradi uff.uz nashri.