24 aprel kuni “Qo'qon-1912” jamoasi Oliy liga 6-tur doirasida Navoiyning “Qizilqum” jamoasini qabul qiladi. Yakshanba kuni bo'lib o'tadigan mazkur bahs bu jamoalarning 9-uchrashuvi sifatida tarixda qoladi. O'zaro o'yinlar Bugunga qadar bu jamoalar Oliy liga doirasida 8 marta to'qnash kelishgan. O'yinlarning oltitasida navoiyliklarning qo'li baland kelgan. Ikkita uchrashuvda qo'qonliklar g'alaba qozonishgan. To'plar nisbati 21-9, “Qizilqum” foydasiga. O'zaro o'yinlarda “Qizilqum” 18 ochko, “Qo'qon-1912” esa 6 ochko to'plagan. Bu jamoalarning o'tgan yili  Qo'qonda bo'lgan o'yinida mezbonlar 1:0 hisobida g'alaba qozonishgan. O'yinlarda qayd etilgan natijalar bilan tanishing: 25.09.2015 Qo'qon 1912 – Qizilqum – 1:0 09.05.2015 Qizilqum – Qo'qon 1912 – 3:1 (0:1) 05.10.2003 Qizilqum – Qo'qon 1912 – 5:1 (2:0) 19.04.2003 Qo'qon 1912 – Qizilqum – 1:3 (1:2) 30.11.2002 Qo'qon 1912 – Qizilqum – 2:1 (0:1) 16.03.2002 Qizilqum – Temiryo'lchi – 3:0 (2:0) 02.11.2000 Temiryo'lchi – Qizilqum – 1:3 (0:1) 01.04.2000 Qizilqum – Temiryo'lchi – 3:2 Fakt: Bu jamoalar shu kunga qadar Qo'qonda to'rta o'yin o'tkazishgan. 2002va 2015 yilgi uchrashuvlarda “Qo'qon-1912” g'alaba qozongan. Sobiq jamoadoshlar Ayni damda jamoamiz sharafini himoya qilayotgan ayrim futbolchilar o'z vaqtida “Qizilqum” klubida to'p surishgan. Bular, Ilya Ilin, Navro'z Alimov va Mirjalol Qurbonovlardir. Ular bo'lajak o'yinda sobiq jamoalariga qarshi maydonga tushishadi. Hakamlar Qo'qondagi Markaziy o'yingohda bo'lib o'tadigan “Qo'qon-1912” – “Qizilqum” uchrashuvini Temur To'xtasinov boshchiligidagi hakamlar brigadasi boshqarib boradi. Oliy liga, 6-tur 24 aprel (yakshanba) «Qo'qon-1912» (Qo'qon) – «Qizilqum» (Navoiy) Hakamlar: T. To'xtasinov (Andijon), A. Marajabov (Andijon), Z. Abdurahmonov (Andijon), D. Akmalov (Toshkent) Nazoratchi: A. Popov (Toshkent). O'zPFL vakili: V. Lyotkin. Boshlanish vaqti Uchrashuv 24 aprel kuni soat 16:30da boshlanishi rejalashtirilgan. Bu jamoalarning o'rinbosarlari o'rtasidagi bahs esa 23 aprel kuni soat 16:00da boshlanadi. Barcha muxlislarimizni ushbu o'yinga taklif etib qolamiz.
— deya xabar beradi uff.uz nashri.