"Barselona" klubi va Braziliya futbol konfederatsiyasi hujumchi Neymarning Braziliya terma jamoasidagi ishtiroki borasida kelishuvga erishdi. Unga ko'ra Neymar yozda bo'ladigan ikki yirik musobaqadan faqat birida ishtirok etadigan bo'ldi.
Kelishuvga ko'ra 24 yoshli hujumchi Amerika Kubogida ishtirok etmaydi. Bu musobaqa 3 iyundan to 26 iyunga qadar AQShda bo'lib o'tishi ko'zda tutilgan. Neymar bu musobaqadan voz kechgan va o'z vatani Braziliyada bo'ladigan Olimpiada o'yinlarida ishtirok etishni ma'qul ko'rgan. Ushbu musobaqa Rio-de-Janeyroda 3-21 avgust sanalarida bo'lib o'tadi.
Bu borada "Barselona" klubi rasmiy saytida xabar tarqatilgan va Braziliya futbol konfederatsiyasi prezidenti Marko Polo del Neroga minnatdorchilik bildirilgan.
— deya xabar beradi uff.uz nashri.