"Shalke-04" klubi hujumchisi Klas Yan Xuntelar faoliyatini gelzenkirxenliklar safida davom ettirishiga ishonchi komil emasligini ta'kidladi. Eslatib o'tamiz, "Ayaks" klubi Xuntelarni ortga qaytarishni istayotgani xabar qilingan edi.
"Albatta men yozgi transfer mavsumi qay ko'rinish olishiga e'tibor qarataman. Kelajagim borasida hali bir qarorga kelganim yo'q", - deydi Xuntelar.
Eslatib o'tamiz, hujumchining "Shalke" bilan shartnomasi 2017 yilning yoziga qadar davom etishi ko'zda tutilgan va keyinchalik yana bir yil muddat uzaytirilishi mumkinligi haqida band bor. Xuntelar joriy mavsum Germaniya chempionatida 27 o'yinda maydonga tushgan va 9 ta gol urib, 2 ta golli uzatmani amalga oshirgan.

— deya xabar beradi uff.uz nashri.