Madridning “Real” jamoasi hujumchisi Krishtianu Ronaldu “Manchester Siti”ga qarshi EChL yarim final ilk o'yinida maydonga tushadi. Bu haqda Marca xabar bermoqda. Portugaliyalik futbolchi “Vilyarreal”ga qarshi (3:0) Ispaniya chempionati 34-turida son qismidan jarohat olgan edi. Bugun u tibbiy ko'rikdan o'tdi va uning jarohati og'ir emasligi aniqlandi. Shunga qaramay, u ertaga, “Rayo Valekano”ga qarshi kechadigan Ispaniya chempionati 35-turini o'tkazib yuboradi. Eslatib o'tamiz, “Real” va “Manchester Siti” o'rtasidagi ilk uchrashuv 26-aprel, javob o'yini esa 4-may kuni bo'lib o'tadi. 
— deya xabar beradi uff.uz nashri.