Ertadan Oliy Ligada 6-tur bellashuvlariga start berilishini bilasiz. Tur doirasidan o'rin olgan qiziqarli tarzda o'tishi taxmin qilinayotgan matchlardan biri Andijonda “Andijon” hamda “So'g'diyona” jamoalari o'rtasida kechadi.
So'nggi turlarda ancha barqaror o'yin namoyish eta boshlagan jizzaxliklar jamoasidan bu turda ham ko'pchilik ijobiy natija kutmoqda. “So'g'diyona”ning “Andijon” bilan o'yinga ko'rgan hozirligi borasida mahoratli yarim himoyachi Sanjar Rashidovning fikrlari bilan qiziqdik.
- O'yin juda qiziq va murosasiz ruhda o'tishi tabiiy. Zero “Andijon”ga ham, bizga ham ochko juda zarur. Shu sababli ham har ikkala klubning ham maydonga faqat g'alaba ilinjida chiqishi tayin. Qolaversa, andijonliklar o'z muxlislari qarshisida o'ynashadi. Bu bizga yanada qiyinchilik tug'diradi. Lekin “So'g'diyona” safarga faqat ochko uchun yo'l oldi. Jamoamiz o'yinga yaxshi hozirlik ko'rdi. “Lokomotiv” bilan durang o'ynaganimiz va o'tgan turda “Neftchi”ni mag'lub etganimizdan so'ng yigitlarda ruhiyat ancha ko'tarildi. Nasib etsa, “Andijon”ni ham mag'lub etamiz, - deydi “So'g'diyona” etakchilaridan biri SPORTS.uz internet-portali muxbiriga.
Davomi Sports.Uz blogida.
— deya xabar beradi uff.uz nashri.