«Bavariya» bosh murabbiyi Xosep Gvardiola jamoasi kelasi haftada chempionlikni nishonlashiga shubha qilmayapti. Ammo murabbiy joriy turda chempion bo'lish shart emasligini aytgan. Buning uchun «Bavariya» «Gerta»ni mag'lub etishi, «Borussiya» esa «Shtutgart»ga yutqazishi lozim.
- Germaniya chempionatida hali hammasi aniq bo'lib ulgurmagan. Shu sababli biz «Gerta»ga qarshi kechadigan o'yinda bayram qilish niyatida emasmiz. Ishonchim komilki «Borussiya» «Shtutgart»ni engadi. Boz ustiga «Gerta» ham g'alaba qozonishi hech gap emas. Bu jamoa juda yaxshi o'ynamoqda.
Germaniya chempionatida qatorasiga to'rtinchi marta chempionlikni qo'lga kiritsak ajoyib ish bo'lar edi. Hozirga qadar hech kim buni uddalay olmagan, - deydi Gvardiola.
— deya xabar beradi uff.uz nashri.