«Roma» rahbariyati mavsum oxirida Edin Jekoni sotib yuborishni rejalashtirmoqda. Uning o'rniga esa «Chelsi»da ijara asosida to'p surayotgan Radamel Falkaoni sotib olmoqchi.
Xabar qilinishicha, Jeko Xitoyga sotib yuboriladi. Biroq Falkaoni sotib olish «Roma»ga oson bo'lmasligi mumkin. Boisi bu hujumchining maoshi katta - yiliga 7 million evroni tashkil etadi. Boz ustiga Falkaoda Evropa Ittifoqi fuqaroligi ham yo'q.
Falkao joriy mavsum Angliya chempionatida 10 ta o'yinda bittagina gol urgan. Jeko esa 28 uchrashuvda 8 ta gol kiritgan.
— deya xabar beradi uff.uz nashri.