“Qo'qon-1912” – “Qizilqum” uchrashuvidan keyin o'tkazilgan matbuot anjumanining ikkinchi qismida “Qo'qon-1912” jamoasi katta murabbiyi Muhsin Nizomiddinov qatnashdi. “O'yin haqida nima deyishim mumkin. Uchrashuvga yaxshi tayyorgarlik ko'rgandik. Nazarimda, tezkor gol rejalarimizni buzib yubordi. Umuman olganda, mehmonlarning o'yinini o'rganish chog'ida raqibning stantard vaziyatlardan unumli foydalanishi borasida aytib o'tilgandi. Lekin futbolchilar bunga e'tiborsiz bo'lishdi. “Qizilqum”ga keyingi o'yinlarda omad tilayman. Hujumchilarimizga biroz omad etishmayapti. Bundan tashqari, Navro'z Alimov, Otabek Haydarovlar jarohatdan endi chiqishdi. Hujumlarni samarali yakunlash borasida ish olib boramiz. Umuman mag'lubiyat futbolning bir qismi. Hali hammasi oldinda. Kamchiliklar ustida ishlaymiz”, – deydi Muhsin Nizomiddinov. 
— deya xabar beradi uff.uz nashri.