Bugun bo'lib o'tadigan “Paxtakor” – “Metallurg” o'yini bilan oltinchi tur bahslariga yakun yasaladi. 23 aprel kuni start olgan oltinchi tur uchrashuvlarida ham bir qator kutilmagan hisoblar qayd etildi. O'zbekiston Professional futbol ligasi odatiga ko'ra, oltinchi turdan keyin ham  uchrashuvlarning eng yaxshi o'yinchilarini e'lon qildi. Unga ko'ra, “Qo'qon-1912” – “Qizilqum” bahsida Otabek Zokirov  va Erkin Jabborovlar eng yaxshilar deb tan olingan. Har ikki jamoa ustozlariga aynan shu futbolchilarning o'yini manzur bo'lgan. Hakamlar hujjatidan ko'chirma Oliy liga, 6-tur 24 aprel (yakshanba). Qo'qon. 4701 tomoshabin. «Qo'qon-1912» (Qo'qon) – «Qizilqum» (Navoiy) – 0:3 (0:1) Gollar: V. Shevchenko (16), Sh. Jo'raev (62), B. Vahobov (64). Hakamlar: T. To'xtasinov (Andijon) -8.0 , A. Marajabov (Andijon) – 8.0, Z. Abdurahmonov (Andijon) – 8.0, D. Akmalov (Toshkent) -9.0. Nazoratchi: A. Popov (Toshkent). O'zPFL vakili: V. Lyotkin. Amalga oshirilmagan penalti: O. Haydarov (74, “Qo'qon”-1912). Ogohlantirishlar: N. Alimov (12), J. Kimsanov (57), G'. Hasanov (75), A. To'xtaboev (86) – A. Rustamov (39). Eng yaxshi o'yinchilar: O. Zokirov – E. Jabborov.
— deya xabar beradi uff.uz nashri.