MUHAMMAD YuSUF
Zaminga sirg'alar kiprik edi u,
Dillar olamiga ko'prik edi u,
O'zi bilan aslo ishi yo'q edi –
Elning dardi bilan tirik edi u!
Erdan past ko'rardi cheksiz falakni,
Topib olgan edi ajib tilakni –
Yuragi eslatardi kapalakni,
Qalbi jayron, dili kiyik edi u!
O'tmish ichra kuyib ketgan bir nigoh –
Boburga kuyardi: “Vatanga zor shoh!”
Ellik yoshga etib bormasa-da, oh,
Xalqligu, millatlik, ellik edi u!
Shu edi nachora yurakning mayli,
Der edi, aybimdan o'tsinlar, mayli,
Baxtimni o'zgalar totsinlar, mayli...
Xalq dardiga lokin sherik edi u!
... Muhammad edi u, bir yuk edi u,
Boshqa shoirlardan suyuk edi u.
Oddiy inson edi, yozardi oddiy,
Shu oddiyligi bilan buyuk edi u!!! Xayrulla Hamidov
— deya xabar beradi uff.uz nashri.