“Manchester Siti” jamoasi bosh murabbiyi Manuel Pellegrini “Real”ga qarshi (0:0) Evropa Chempionlar ligasi yarim final dastlabki o'yinidan so'ng o'z fikrlari bilan o'rtoqlashdi. “Menimcha, “Real” Manchesterga ijobiy natija qayd etish uchun kelgandi. Hujumlar qildik, ammo 100 foizlik vaziyatlar bo'lmadi. Shuncha qaramay, raqibga nisbatan dadilroq edik. O'yin so'nggida “Real” burchak zarbasidan so'ng gol urishi mumkin edi. Baxtimizga Xart bizni goldan saqladi. “Real” ortiq favorit emas. Ushbu mavsumda safar o'yinlarida yaxshi natijalar qayd etganmiz. Masalan, PSJ, “Dinamo Kiev” va “Sevilya” bilan o'yinlarda. “Bernabeu” bo'lib o'tadigan javob o'yinidan qo'rqmaymiz”, – dedi chililik mutaxassis. 
— deya xabar beradi uff.uz nashri.