Madridning "Real" klubi darvozaboni Keylor Navas Chempionlar ligasi yarim finalida "Manchester Siti"ga qarshi kechgan uchrashuvda o'ziga hos rekord qayd etdi.
Kosta Rika terma jamoasi darvozaboni Chempionlar ligasi doirasidagi 8 uchrashuvda gol o'tkazib yubormagan. U "Manchester Siti"ga qarshi kechgan o'yinning 28-daqiqasida "Ayaks" darvozaboni Edvin van der Sar 1995/96 yilgi mavsumda o'rnatgan rekordni yangiladi.
Shu tariqa Navas 720 daqiqa davomida gol o'tkazib yubormayapti. Chempionlar ligasi doirasida faqat "Arsenal"ning sobiq darvozaboni Yens Lemann undan yaxshiroq natija qayd etgan. U 853 daqiqa davomida darvozasi dahlsizligini saqlab qolgan.
Eslatib o'tamiz, "Manchester Siti" - "Real" o'yini 0:0 hisobida durang bilan yakunlangan.
— deya xabar beradi uff.uz nashri.