"Milan" prezidenti Silvio Berluskoni uzoq vaqt olib borilgan muzokaralardan so'ng klubni xitoylik sarmoyadorlarga sotishga rozi bo'ldi. Xabar qilinishicha, klubning qiymati 700 million evroga baholangan.

Xabarda aytilishicha, Xitoydagi internet tadbirkor Robert Li Berluskoniga taklif bilan chiqqan. Shu bilan birga ta'kidlash lozim, xitoyliklar "Milan"ga tegishli aktsiyalarni 100 foiz to'liq sotib oladilar. Avval 70 foizi, keyinchalik yil davomida qolgan 30 foiz aktsiya xitoyliklar qo'liga o'tadi.

Eslatib o'tamiz, biroz vaqt muqaddam "Milan" 2015 yil yakunlariga ko'ra 89,3 million evro zarar ko'rgani aytilgan edi. Klub olayotgan daromad esa 2014 yildan buyon 233 million evrodan 221 million evroga tushib qolgan.
— deya xabar beradi uff.uz nashri.