"Bavariya" klubi rahbariyati "Arsenal" jamoasi hujumchisi Aleksis Sanchesning xizmatlariga qiziqish bildirmoqda. Bu haqida Daily Mirror nashri xabar tarqatdi. Manbada aytilishicha, myunxenlik klub londonlik jamoa vakillari bilan 27 yoshli chililik futbolchining transferi bo'yicha aloqaga chiqishgan. Aytish joiz, hujumchining "Arsenal" bilan shartnomasi 2018 yilning yozida o'z nihoyasiga etadi. Ushbu mavsumda Sanches Angliya chempionatining 27ta o'yinida maydonga tushib, 12ta gol hamda to'rtta golli uzatmaga mualliflik qilgan.
— deya xabar beradi uff.uz nashri.