Oliy Liga 7-tur doirasida “Lokomotiv” jamoasi o'z maydonida “Olmaliq” futbolchilarini qabul qiladi. “Lokomotiv“ va “Olmaliq” shu kunga qadar o'zaro 14 marta kuch sinashishgan. Natijalar “Lokomotiv”ning ustunligini ko'rsatmoqda. “Olmaliq” 3ta o'yinda yutgan, “Lokomotiv” hisobida esa 8ta g'alaba bor. Yana uchta o'yin durang bilan tugagan. To'plar nisbatida ham toshkentliklar ustun: 25-18. O'zaro o'yinlarda “Lokomotiv” 27, “Olmaliq” esa 12 ochkoni qo'lga kiritgan. “Olmaliq”ning “Loko” ustidan qozongan eng yirik g'alabasi – 4:0. O'z navbatida “temiryo'lchilar”ning “Olmaliq” ustidan qozongan eng yirik g'alabasi – 3:0ni tashkil etadi. O'tgan yil birinchi davrada Olmaliqda o'tgan bahsda durang qayd etilgan. O'yinda hisobni Jahongir Abdumo'minov ochgan. Bunga Sanjar Shoahmedov javob bergan. Shavkat Salomov yana “Olmaliq”ni oldinga olib chiqqandi. Uchrashuv so'nggida Lutfulla To'raev yakuniy hisobni o'rnatgandi – 2:2. Ikkinchi davrada “Lokomotiv” yirik hisobda zafar quchgandi. “Temiryo'lchilar” safida Mo'ydin Mamazulumov, Oleg Zoteev, Timur Kapadze va Marat Bikmaev to'p kiritishgan. “Olmaliq”dan esa Nemanya Yovanovich gol urgan – 4:1. Toshkentda o'tgan so'nggi besh uchrashuv: 
30.09.2015 «Lokomotiv» – «Olmaliq» 4:1
01.06.2014 «Lokomotiv» – «Olmaliq» 3:0
28.06.2013 «Lokomotiv» – «Olmaliq» 1:0
17.08.2012 «Lokomotiv» – «Olmaliq» 4:2
08.05.2010 «Lokomotiv» – «Olmaliq» 0:0 Oliy liga. 7-tur. 28 aprel. 
“LOKOMOTIV” – “OLMALIQ”
“Lokomotiv” stadioni. 17:00 Hakamlar: R. Ermatov (Toshkent), A. Rasulov (Toshkent), J.Saidov (Toshkent), F. Norsafarov (Qarshi)
Nazoratchi: R. Serazetdinov (Toshkent).
PFL vakili: F.Magometov. O'zaro o'yinlar haqida fakt: “Lokomotiv” klubi shu kungacha oliy ligada o'z maydonida olti marta “Olmaliq”ni mag'lub etdi. Bitta o'yinda durang qayd etilgan. “Olmaliq” o'z tarixida “temiryo'lchilar” maydonida umuman g'alabaga erisha olmagan.
— deya xabar beradi uff.uz nashri.