Oliy liga 7-turini "Lokomotiv"ga qarshi o'tkazgan “Olmaliq” jamoasi 4:0 hisobida yirik mag'lubiyatga uchradi. “Temiryo'lchilar”ga qarshi uchrashuvda “Olmaliq” futbolchilaridan bu qadar passiv va bema'ni o'yin kutilmagandi. Sababi ertaga jamoa bosh murabbiyi Igor Anatolevichning tavallud topgan kuni ekanligi va futbolchilar ustozlariga g'alaba tuhfa etish uchun maydonga tushishgandi. Biroq dastlabki 15 daqiqada o'zkazib yuborilgan uch goldan so'ng, futbolchilar bosh murabbiyga "galstuk" sovg'a qilishmoqchi ekanligi ko'rinib qoldi. Afsuski tushunarsiz o'yin yakunda yirik mag'lubiyat bilan yakunlandi. 65-daqiqada Server Jeparov penaltidan to'rtinchi golni urishga erishdi. Jamoaning navbatdagi uchrashuvi 8 may kuni o'z maydonida "Neftchi" jamoasiga qarshi o'tkaziladi.
— deya xabar beradi uff.uz nashri.