Oliy liganing 7-turidan o'rin olgan eng so'nggi uchrashuvda "Qizilqum" va "Buxoro" o'zaro to'qnash kelishadi. «Qizilqum» (Navoiy) – «Buxoro» (Buxoro)
30 aprel 2016. Navoiy. "Yoshlar" stadioni. 19:00
Hakamlar: V. Serazetdinov (Toshkent), R. Shoyaxmetov (Toshkent), D. Saylalov (Toshkent), D. Muxtarov (Toshkent).
Nazoratchi: A. Abdullaev (Toshkent).

“Qizilqum” va “Buxoro” oliy ligada 30 marta to'qnash kelishgan. Ushbu o'yinlardan 16tasida navoiyliklar g'olib bo'lishgan. 4ta o'yin durang hisobida yakunlangan, “Buxoro” hisobida 10ta g'alaba mavjud. 

“Buxoro” shu kungacha o'zaro o'yinlarda “Qizilqum” darvozasiga 35ta to'p kiritgan, navoiyliklar esa “Buxoro” darvozasiga 49ta gol urishgan. “Buxoro” o'zaro o'yinlarda 34 ochko ishlab olgan bo'lsa, “Qizilqum” 52 ochkoni qo'lga kiritgan. “Buxoro”ning oliy ligada “Qizilqum” ustidan erishgan eng yirik g'alabasi 4:1 ni tashkil qiladi. “Qizilqum”ning yirik g'alabasi esa - 5:0. 
 
2015 yil birinchi davrada "Qizilqum" safardan g'alaba bilan qaytgan. Uchrashuvdagi hisobni maydon egalari vakili Evgeniy Kochnev ochgandi. Ikkinchi bo'limda Bahriddin Vahobov va Farrux Haydarov to'p kiritib Navoiy klubiga irodali g'alabani keltirgandi - 1:2. Navoiyda esa Bahriddin Vahobovning yagona goli “Qizilqum”ning g'alabasini ta'minlagan edi – 1:0. 

Navoiyda bo'lib o'tgan so'nggi besh uchrashuv: 
21.05.2014 «Qizilqum» – «Buxoro» 1:1
23.10.2013 «Qizilqum» – «Buxoro» 2:0
14.04.2012 «Qizilqum» – «Buxoro» 1:0
02.04.2011 «Qizilqum» – «Buxoro» 0:0
25.04.2009 «Qizilqum» – «Buxoro» 3:2

O'zaro o'yinlar haqida fakt: “Qizilqum” mezbonlik qilgan o'yinlarda uch marta durang qayd etilgan. 8 marta “Qizilqum” zafar quchgan bo'lsa, 3ta o'yinda “Buxoro” safarda bo'lishiga qaramay raqibdan ustun kelgan. 
— deya xabar beradi uff.uz nashri.