Ispaniya chempionati 36-turidan o'rin olgan “Atletiko” va “Rayo Valekano” o'rtasidagi uchrashuv o'z nihoyasiga etdi. Unda 1:0 hisobi qayd etilib, Diego Simeone jamoasining foydasiga hal bo'ldi. “Madrid derbisi” maqomida o'tgan ushbu o'yinda Antuan Grizmanning 55 daqiqadagi yagona goli “Atletiko” g'alabasini ta'minladi. Diego Simeone jamoasi qatorisiga oltinchi o'yinda muvaffaqiyatga erishdi. Mazkur g'alabadan so'ng "Atletiko" 85 ochko bilan birinchi o'ringa chiqib oldi. "Real" 84 ochko bilan ikkinchi pog'onada. Zaxirasida bir o'yin qolgan "Barselona" birozdan so'ng "Betis"ga qarshi bahs olib boradi.   Ispaniya chempionati, 36-tur Atletiko – Rayo Valekano 1:0
Gol: 1:0 – 55 Grizmann.
Atletiko – Oblak, Lyuka Ernandes, Games, Xuanfran, Ximenes, Oliver Torres (Grizmann, 55), Kranevitter, Gabi (Koke, 46), Parti, Korrea, Vetto (Torres, 54).
Rayo Valekano – Xuan Karlos, Lorente, Amayya (Manushu, 64), Krespo, Marin, Xosabed, Embarba, Tito, Gerra, Miku, Bebe (Piti, 58; Xoni Montel, 84).
Ogohlantirishlar: Bebe (35), Kranevitter (68).
— deya xabar beradi uff.uz nashri.