"Bunyodkor"ga qarshi kechgan o'yindan keyin "Paxtakor" bosh murabbiyi Grigoriy Kolosovskiy uchrashuv haqida fikrlarini bildirib o'tdi.
Grigoriy KOLOSOVSKIY (“Paxtakor” murabbiyi): - Jamoalar yaxshi o'yin namoyish qilishdi. Birinchi bo'limda ustunlik qildik, ammo tanaffusdan keyin kutilmaganda himoyadagi qo'pol xato tufayli to'p o'tkazib yubordik. Mezbonlarni g'alaba bilan tabriklayman. Biz esa xatolar ustida ishlashimiz kerak. Uch kundan keyin bizni juda muhim o'yin kutib turibdi.
To'pni 70-80 foiz o'yin vaqtida ushlab turish mumkin, biroq bu zarbalar berishga etib bormasa, foydasi yo'q. Zarbalarning sifati ham bo'lishi darkor. Biz to'pni saqladik, ammo keskin holatlarni yuzaga keltirmadik. Faqat yarim xavfli vaziyatlarni sodir qildik.
Penalti belgilangan vaziyat o'yinni o'zgartirib yubordi. Bu mezbonlarga ishonch qo'shdi, biz uchun aksincha. Boltaboev o'sha vaziyatda to'pni qo'li bilan o'ynashni istamagandi, biroq xavfli to'p oshirishni to'sish maqsadida shunday harakat qildi.
— deya xabar beradi uff.uz nashri.