«Lester» — Angliya chempioni: ertak haqiqatga aylandi. Tan olish kerakki, kamtargina jamoaning dunyoning eng kuchli chempionati g'olibiga aylanishini nafaqat uning ashaddiy ishqibozlari, balki dunyodagi minglab-millionlab futbolsevarlar istashgani tabiiy. Zero, ular o'qindan-o'yinga ochilib borishdi, ayniqsa, grand jamoaga qarshi matonat bilan to'p surib, ko'pchilikning muhabbatini qozonishdi. «Tafsilot.uz» «tulkilar»ning ushbu aql bovar qilmas muvaqqiyatga qay tariqa erishganini qadamma-qadam esga olishga qaror qildi va jamoani chempionlikka olib kelgan eng muhim omillar ro'yxatini tuzib chiqdi.
Birinchi qadam: Ranerining tayinlanishi
Klaudio Raneri uzoq vaqtdan buyon eng omadsiz murabbiylarlardan biri hisoblanib kelinardi. Masalan, u faoliyati davomida hali biron marta milliy birinchilikda g'alaba qozona olmagandi. «Inter», «Yuventus» va «Monako» bilan bog'liq muvaffaqiyatsizliklar, Gretsiya milliy terma jamoasi hamda «Valensiya» bilan yuz bergan «qulash» italiyalik murabbiyning obro'siga putur etkazmay qolmadi. Mana shunday vaziyatda Ranerining «Lester» bosh murabbiyligiga taklif etilishi kutilmagan ish bo'lgandi. Garri Rednapp va Gari Lineker va boshqa ko'plab futbol ekspertlari italiyalik murabbiyning Angliyada ishlari yurishmasligini bir ovozdan ta'kidlashdi. Endi esa APLda Raneriga avliyoga qragandek qarashmoqda, matbuot anjumanlarida og'zidan chiqadigan so'zlarishga mahtal bo'lib o'tirishibdi. U bir dumalab eng omadsiz mutaxassisdan dunyoning eng yaxshi murabbiylaridan biriga aylanib olgandek go'yo.
Ikkinchi qadam: Okazaki, Xut, Fuks, Kantening xarid qilinishi
«Lester»ning transfer bozoridagi xaridlarining naf keltirishiga hatto jamoaga Klaudio Raneri taklif etilganidan ham ko'proq shubha bilan qarashgan edi. Germaniyaning «Maynts» jamoasidan 8 mln funt sterlingga Sinzi Okazaki sotib olindi, Frantsiyadan 7 mln funtga hech kim tanimaydigan xavbek N’Golo Kante olib kelindi, «Stok Sti» esa faxriy futbolchisi Robert Xutni «tulkilar»ga 3 mln funt sterlingga pulladi. «Shalke»ning sobiq himoyachisi Kristian Fuks jamoaga bepul kelib qo'shildi, Frantsiya kengliklaridan APLning bo'lg'usi eng yaxshi tayanch yarim himoyachisi Kante topib kelindi. Yana, deng, bularning bari asosiy tarkib o'yinchilari edi. Bir qarashda ekspertlarning shubhalari to'g'ridek edi. Biroq yuqorida nomlari sanab o'tilgan futbolchilar o'z o'yinlari bilan bu gumonlarni tumanday tarqatib yuborishdi. Ularning har biri jamoaning almashtirib bo'lmas o'yinchisiga aylanishdi, har biri ushbu mavsumda kamida 30 tadan o'yinga maydonga tushdi.
Uchinchi qadam: ilk turda Advokatning mag'lub etilishi
Raneri jamoasi ilk turdayoq g'alaba qozonib, mavsumni g'alaba bilan boshlashgan edi. O'shanda Dik Advokatning «Sanderlend»i 4:2 hisobida mag'lub etilgandi. O'sha uchrashuvdayoq APLning bo'lg'usi yulduzlari o'zlarini namoyn etishgandi: Premer-liganing bo'lg'usi eng yaxshi hujumchisi Jeymi Vardi o'zining ilk golini urgan bo'lsa, Angliyada ushbu mavsumning eng yaxshi futbolchisi deb tan olingan Riyod Mahrez dubl qayd etgandi, Mark Olbrayton esa «gol+pas» tizimi bo'yicha uch ochko jamg'argan edi.
Video. «Lester Siti» – «Sanderlenda» — 4:1. Olbrayton raqib darvozasiga gol urmoqda.
To'rtinchi qadam: birinchi o'ringa chiqish
«Lester» o'tgan yili 21 noyabrda «Nyukasl»ni 3:0 hisobida enganidan so'ng turnir jadvalida yakkapeshqadam bo'lib olgan edi. Shundan keyin  «tulkilar» bir necha bor tepaga chiqib, quyiga tushib yurishdi. Biroq barqaror o'ynashda davom etgani, shuningdek, «Tottenhem» va «Manchester Siti»ning bir necha marta qoqilishi tufayli turnir jadvali yuqorisiga mustahkam o'rnashib oldi. Biroq aynan «qarg'alar»ning tor-mor etib, peshqadamlar safiga qo'shilgandan keyingina «Lester» o'yinchilari birinchi marta ushbu mavsum ular uchun aql bovar qilmas bo'lishini his qilishgan bo'lsa, ne ajab?!
Beshinchi qadam: «Man Siti» va «Liverpul»ning taslim etilishi
«Lester»ning chempionlik yo'lidagi to'g'ridan-to'g'ri raqiblariga qarshi kechgan o'yinlardagi natijalari kamtarona. Birinchi davrada «Arsenal»ga 2:5, «Liverpul»ga 1:0 hisobida mag'lub bo'lgan bo'lsa, «Tottenhem» va «MYu» bilan durang qayd etdi. Mavsumning ikkinchi yarmi esa «tulkilar» uchun anchayin omadli kechdi. Robert Xut deyarli bir o'zi chempionlik yo'lidagi bo'lg'usi asosiy raqobatchi jamoalar — «Tottenhem»ni engdi (1:0), so'ngra APLning o'sha paytdagi etakchisi «Man Siti»ni er tishlatdi (3:1).
Davomi Tafsilot.Uz blogida.
— deya xabar beradi uff.uz nashri.