Londonning «Arsenal» klubi "Lester Siti" yarim himoyachisi NGolo Kante uchun 25 million evro to'lashga rozi bo'ldi. Futbolchining jamoa bilan shartnomasida aynan shuncha mablag' ko'rsatilgan.
"Arsenal" bosh murabbiyi Arsen Venger jamoa yarim himoyasini kuchaytirishni maqsad qilgan va Kante jamoaga o'tishga asosiy da'vogar bo'lib turibdi. Londonliklar hozircha "Lester"ga rasmiy taklif bilan chiqishmagan va avval Kante bilan kelishuvga erishishni ko'zlab turishibdi. "Arsenal" va futbolchining agenti o'rtasidagi muzokara davom etmoqda.
Kante bilan shuningdek yana "Chelsi" va "Manchester Siti" ham qiziqish bildirmoqda. 25 yoshli futbolchi joriy mavsum Angliya chempionatida 35 ta o'yinda maydonga tushgan va bitta gol urib, 4 ta golli uzatmaga mualliflik qilgan.
— deya xabar beradi uff.uz nashri.